ఎయిర్ ఇండియా విమానం చైనా గగనతలం నుంచి వెనక్కి, ఢిల్లీకి మళ్లింపు

ఢిల్లీ నుండి కెనడాలోని వాంకోవర్కు బయలుదేరిన ఎయిర్ ఇండియా విమానం A1185, చైనా గగనతలంలోకి ప్రవేశించిన అనంతరం తిరిగి ఢిల్లీకి మళ్లించబడింది. అనుమతి లేని మార్గంలో విమానాన్ని నడపడమే దీనికి కారణమని తెలుస్తోంది.

ఎయిర్ ఇండియా విమానం A1185, ఢిల్లీ నుంచి వాంకోవర్కు బయలుదేరింది. అయితే, చైనా గగనతలంలోకి ప్రవేశించిన తర్వాత, కెనడాలోకి ప్రవేశించడానికి అనుమతి లేని బోయింగ్ 777-200LR విమానాన్ని పొరపాటున ఉపయోగించినట్లు సమాచారం. ఈ కారణంగా విమానాన్ని వెనక్కి మళ్లించాల్సి వచ్చింది.

సుమారు ఎనిమిది గంటల ప్రయాణం తర్వాత, విమానం గురువారం సురక్షితంగా ఢిల్లీ విమానాశ్రయంలో ల్యాండ్ అయింది. ఈ ఊహించని పరిణామంతో ప్రయాణికులు తీవ్ర అసౌకర్యానికి గురయ్యారు.