నవరాత్రి ఉత్సవాల్లో మహిళలు, చిన్నారుల భద్రత కోసం గుజరాత్ పోలీసులు వినూత్న చర్యలు చేపట్టారు. గర్బా వేడుకల్లో ఎలాంటి అవాంఛనీయ ఘటనలు జరగకుండా మహిళా పోలీసు సిబ్బంది సంప్రదాయ దుస్తులు ధరించి, సాధారణ మహిళల్లా జనంలో కలిసిపోతున్నారు. చనియా చోళీ ధరించి గర్బా ఆడుతూనే చుట్టుపక్కల జరిగే పరిణామాలను గమనిస్తున్నారు.
మహిళలను వేధించే వారిని, రహస్యంగా వీడియోలు తీసేవారిని గుర్తించి అవసరమైన చర్యలు తీసుకుంటున్నారు. వడోదరలో మానవ అక్రమ రవాణా నిరోధక విభాగానికి నేతృత్వం వహిస్తున్న 38 ఏళ్ల పోలీసు ఇన్స్పెక్టర్ చంద్రికా ఆసుంద్రా కూడా ఈ విధుల్లో పాల్గొంటున్నారు. ఆమె మహిళలు, పిల్లలు, వృద్ధుల భద్రత కోసం పనిచేసే షీ టీమ్లో సభ్యురాలు. గత రెండేళ్లుగా నవరాత్రి వేడుకల సమయంలో సంప్రదాయ దుస్తుల్లో జనంలో కలిసిపోయి విధులు నిర్వహిస్తున్నారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
పోలీసులు యూనిఫాంలో కనిపిస్తే కొందరు తమ ప్రవర్తనను మార్చుకుంటారని, అయితే సాధారణ వ్యక్తుల్లా కనిపించినప్పుడు వారి నిజమైన ప్రవర్తనను గమనించే అవకాశం ఉంటుందని ఆమె వివరించారు. విధుల్లో ఉన్నప్పటికీ గర్బా ఆడుతూ మహిళలకు అందుబాటులో ఉండటం తమకు ప్రత్యేక అనుభవమని తెలిపారు.
