పోలీసు శాఖలో అధికారుల బదిలీల వ్యవహారం వివాదానికి దారితీసింది. తమ అధికారుల బదిలీలను వ్యతిరేకిస్తూ పోలీసు సిబ్బంది నిర్వహించిన నిరసనలో పాల్గొని నాయకత్వం వహించిన ఏసీపీ మనస్వి వశిష్ఠను ఉన్నతాధికారులు సస్పెండ్ చేశారు. పోలీసు ప్రధాన కార్యాలయం ఎదుట ఈ నిరసన జరిగింది.
మరుసటి రోజే ఆయనపై సస్పెన్షన్ వేటు పడింది. అసలు వివాదం షహదారా పోలీస్స్టేషన్లో పోలీసులకు, న్యాయవాదులకు మధ్య ఘర్షణ చోటుచేసుకోవడంతో ప్రారంభమైంది. ఈ ఘటనలో న్యాయవాది లలిత్ బన్సల్ తలకు తీవ్ర గాయమైనట్లు సమాచారం.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
న్యాయవాదుల ఆరోపణలు
పోలీస్స్టేషన్కు వచ్చిన న్యాయవాదులు తమపై పోలీసులు దురుసుగా ప్రవర్తించారని, బెదిరించారని ఆరోపించారు. ఏసీపీ మనస్వి వశిష్ఠ తుపాకీ చూపించి బెదిరించారని కూడా న్యాయవాదులు ఆరోపించారు. ఈ ఘటనపై చర్యలు తీసుకోవాలని డిమాండ్ చేస్తూ జిల్లా కోర్టుల న్యాయవాదులు నిరవధిక విధుల బహిష్కరణకు దిగారు.
అధికారుల బదిలీలు
వివాదం నేపథ్యంలో ఏసీపీ మనస్వి వశిష్ఠను గాంధీనగర్ విభాగం నుంచి మహిళలు, చిన్నారుల ప్రత్యేక పోలీసు విభాగానికి బదిలీ చేశారు. షహదారా ఎస్హెచ్వో ఇన్స్పెక్టర్ అరుణ్ కుమార్ను కూడా భద్రతా విభాగానికి మార్చారు. ఈ బదిలీల అనంతరం న్యాయవాదులు తమ ఆందోళనను విరమించారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
