స్థానిక ఎన్నికల్లో కూటమిదే గెలుపు - మంత్రి రాంప్రసాద్ రెడ్డి

గత వైసీపీ ప్రభుత్వం పేదలకు నిలువ నీడ లేకుండా చేసిందని, పేదల ఇళ్ల కలలను కూడా రాజకీయ ప్రయోజనాలకు వాడుకుందని విమర్శించారు. ప్రైవేటు భూములను కొనుగోలు చేసి లబ్ధి పొంది, పేదలకు దొంగ పట్టాలు పంపిణీ చేసిన చరిత్ర వైసీపీదని ఆరోపించారు.

బీసీ అంటే తెలుగుదేశం, తెలుగుదేశం అంటే బీసీ అనే విధంగా టీడీపీకి బీసీలు వెన్నెముకగా నిలిచారని, బీసీలకు రాజకీయ ప్రాధాన్యత కల్పించడంలో టీడీపీ ఎప్పుడూ ముందుంటుందని అన్నారు. స్థానిక సంస్థల ఎన్నికల్లో బీసీలకు 34 శాతం రిజర్వేషన్ల అమలుకు కూటమి ప్రభుత్వం కట్టుబడి ఉందని స్పష్టం చేశారు.

వివేకానందరెడ్డి హత్య కేసు

వివేకానందరెడ్డి హత్య కేసులో ప్రమేయం ఉన్నవారు నిజాలు ఒప్పుకుని చట్టానికి సహకరించాలని సూచించారు.

ప్రజలు వైసీపీ మాటలను నమ్మే పరిస్థితిలో లేరని, సుస్థిర అభివృద్ధి, సంక్షేమంతోనే ప్రజల ముందుకు వెళ్తున్నామని, కూటమి పార్టీలన్నీ సమిష్టిగా పోరాడి ఘన విజయం సాధించి ఆ విజయాన్ని సీఎం చంద్రబాబుకు బహుమతిగా అందిస్తామని మంత్రి పేర్కొన్నారు.