తిరుపతిలో డ్రంక్ అండ్ డ్రైవ్ తనిఖీలు: 11 మందికి రూ.1.10 లక్షల జరిమానా

ఈ తనిఖీల్లో మద్యం సేవించి వాహనాలు నడిపిన 11 మందిపై కేసులు నమోదు చేసి కోర్టులో హాజరుపరిచారు. ట్రాఫిక్కు అంతరాయం కలిగించిన మరో ఇద్దరిపై కూడా కేసులు నమోదు చేశారు.

తిరుపతిలోని గౌరవ 1వ స్పెషల్ జ్యుడీషియల్ మేజిస్ట్రేట్ కోర్టు న్యాయమూర్తి ధనలక్ష్మి విచారణ అనంతరం 11 మంది డ్రంక్ అండ్ డ్రైవ్ నిందితులకు ఒక్కొక్కరికి రూ.10 వేల చొప్పున మొత్తం రూ.1,10,000 జరిమానా విధించారు. వీరిలో ఒకరికి రూ.10 వేల జరిమానాతో పాటు 10 రోజుల జైలు శిక్ష కూడా విధించారు.

ట్రాఫిక్కు అంతరాయం కలిగించిన ఇద్దరికి ఒక్కొక్కరికి రూ.300 చొప్పున మొత్తం రూ.600 జరిమానా విధించారు.

ప్రజల భద్రత, రోడ్డు ప్రమాదాల నివారణ, ట్రాఫిక్ నిబంధనల అమలులో భాగంగా డ్రంక్ అండ్ డ్రైవ్ తనిఖీలు నిరంతరం కొనసాగుతాయని ట్రాఫిక్ పోలీసులు తెలిపారు.

వాహనదారులు మద్యం సేవించి వాహనం నడపకుండా ట్రాఫిక్ నిబంధనలు పాటించాలని, హెల్మెట్, సీట్ బెల్ట్ తప్పనిసరిగా ధరించాలని సూచించారు. నిబంధనలు ఉల్లంఘిస్తే కఠిన చర్యలు తప్పవని హెచ్చరించారు.