కామారెడ్డిలో గణేష్ నిమజ్జనం: బుధవారం సాయంత్రం 6 నుంచి ట్రాఫిక్ మళ్లింపులు

కరీంనగర్, సిరిసిల్ల వైపు నుంచి వచ్చే వాహనాలు సిరిసిల్ల బైపాస్, ఎన్హెచ్-44, టేక్రియాల్ బైపాస్ మీదుగా కామారెడ్డి పట్టణంలోకి ప్రవేశించాలి. కామారెడ్డి నుంచి కరీంనగర్, సిరిసిల్ల వైపు వెళ్లే వాహనాలు కొత్త బస్టాండ్, ఇందిరాగాంధీ స్టేడియం, టేక్రియాల్ బైపాస్, ఎన్హెచ్-44, సిరిసిల్ల బైపాస్ మార్గాన్ని వినియోగించాలి.

కొత్త బస్టాండ్ నుంచి పాత బస్టాండ్ వైపు వెళ్లే వాహనాలు అశోక్నగర్, రైల్వే గేట్ వరకు వెళ్లి కలెక్టర్ కార్యాలయం, గుమస్తా కాలనీ మీదుగా రామారెడ్డి వైపు లేదా ఓం శాంతి భవనం, రాజీవ్నగర్, టీచర్స్ కాలనీ, ఇంద్రనగర్ కాలనీ మార్గంలో వెళ్లవచ్చు. హైదరాబాద్ వైపు వెళ్లే వాహనాలు యథావిధిగా పాత మార్గంలోనే వెళ్లవచ్చని పోలీసులు తెలిపారు.

హైదరాబాద్, పాత రాజంపేట వైపు నుంచి కామారెడ్డి పట్టణంలోకి వచ్చే వాహనాలు టేక్రియాల్ బైపాస్, ఇందిరాగాంధీ స్టేడియం, కొత్త బస్టాండ్ మార్గం ద్వారా పట్టణంలోకి ప్రవేశించాలి.

భారీ వాహనాలకు ఆంక్షలు

నిమజ్జన శోభాయాత్ర పూర్తయ్యే వరకు భారీ వాహనాలకు కామారెడ్డి పట్టణంలోకి ప్రవేశం ఉండదని పోలీసులు స్పష్టం చేశారు. శోభాయాత్ర జరిగే మార్గంలో ఎలాంటి వాహనాలకు అనుమతి ఉండదని తెలిపారు. నిమజ్జన కార్యక్రమం పూర్తయ్యే వరకు ట్రాఫిక్ మళ్లింపులు అమల్లో ఉంటాయని పేర్కొన్నారు. వాహనదారులు ప్రత్యామ్నాయ మార్గాలను వినియోగిస్తూ పోలీసులకు సహకరించాలని, ప్రజల భద్రతే తమ ప్రధాన బాధ్యత అని పోలీసులు తెలిపారు.