కోనాపూర్లో 13 సీసీ కెమెరాల ప్రారంభం: గ్రామ భద్రతకు సాంకేతిక బలం

ఈ సందర్భంగా ఎస్పీ మాట్లాడుతూ ప్రజల భాగస్వామ్యంతో గ్రామ భద్రతకు సాంకేతిక బలం చేకూరుతుందని అన్నారు. నేరాలు జరిగిన అనంతరం నిందితులను గుర్తించడమే కాకుండా, నేరాల నివారణకు సీసీ కెమెరాలు ముందస్తు నిరోధక చర్యగా పనిచేస్తాయని ఆయన తెలిపారు. ప్రధాన రహదారులు, గ్రామ ప్రవేశనిష్క్రమణ మార్గాలు, ముఖ్య కూడళ్లలో నిరంతర నిఘా ఉండటం వల్ల అనుమానాస్పద కదలికలను గుర్తించి నేరాలకు అడ్డుకట్ట వేయవచ్చని ఆయన అన్నారు.

నేర దర్యాప్తులో సీసీ కెమెరాల దృశ్యాలు కీలక ఆధారాలుగా ఉపయోగపడతాయని, నిందితుల కదలికలు, ప్రయాణ మార్గాలను గుర్తించడంలో పోలీసులకు ఎంతగానో సహాయపడతాయని ఆయన పేర్కొన్నారు. మహిళలు, పిల్లలు, వృద్ధులకు సురక్షిత వాతావరణం కల్పించడంలో ఈ వ్యవస్థ ఉపయోగకరమని ఆయన అన్నారు.

కోనాపూర్ను స్ఫూర్తిగా తీసుకుని ఇతర గ్రామాలు కూడా సీసీ కెమెరాల ఏర్పాటుకు ముందుకు రావాలని ఆయన పిలుపునిచ్చారు. ఈ కార్యక్రమంలో బాన్సువాడ ఎస్హెచ్ఓ శ్రీధర్, గ్రామ పాలకవర్గ సభ్యులు, యువత, గ్రామస్తులు పాల్గొన్నారు.