యువత అవసరాలకు తగ్గట్టుగా, బడ్జెట్ ధరల్లో 5జీ స్మార్ట్ఫోన్లను మార్కెట్లోకి విడుదల చేస్తున్న నేపథ్యంలో, రూ.15,000 లోపు లభించే ఉత్తమ 5జీ స్మార్ట్ఫోన్ల వివరాలు ఇక్కడ ఉన్నాయి.
ప్రస్తుత తరం యువత కేవలం కమ్యూనికేషన్ కోసమే కాకుండా, గేమింగ్, హై-క్వాలిటీ రీల్స్ మేకింగ్, నిరంతర సోషల్ మీడియా బ్రౌజింగ్ వంటి కార్యకలాపాల కోసం అత్యాధునిక స్మార్ట్ఫోన్లను ఆశిస్తున్నారు. ఈ డిమాండ్కు అనుగుణంగా, ప్రముఖ మొబైల్ కంపెనీలు యువత అభిరుచులకు, వారి బడ్జెట్కు సరిపోయేలా మార్కెట్లోకి బడ్జెట్ 5జీ స్మార్ట్ఫోన్లను అందుబాటులోకి తెస్తున్నాయి.
ఇటీవల దేశీయ మొబైల్ బ్రాండ్ లావా, 'లావా షార్క్-2 5జీ' (Lava Shark-2 5G) అనే సరికొత్త 5జీ ఫోన్ను రూ.11,999 ప్రారంభ ధరతో మార్కెట్లోకి విడుదల చేసింది. ఈ ఫోన్ విడుదల నేపథ్యంలో, రూ.15,000 బడ్జెట్ ధరలో లభిస్తున్న టాప్ 5జీ స్మార్ట్ఫోన్ల వివరాలను ఈ కథనంలో తెలుసుకుందాం.
మెరుగైన ఇంటర్నెట్ వేగం, ఆకట్టుకునే అమోలెడ్ డిస్ప్లేలు, భారీ బ్యాటరీ సామర్థ్యాలు, అత్యుత్తమ కెమెరాలతో రూ.15,000 లోపు బడ్జెట్ విభాగంలో ప్రస్తుతం మొబైల్ కంపెనీల మధ్య గట్టి పోటీ నెలకొంది. ఈ స్మార్ట్ఫోన్లు వినియోగదారుల గేమింగ్, సోషల్ మీడియా అవసరాలను తీర్చడానికి అత్యుత్తమ పనితీరును అందిస్తాయి.
ఈ స్మార్ట్ఫోన్లలో అత్యాధునిక ప్రాసెసర్లు, మెరుగైన గ్రాఫిక్స్, అధిక రిఫ్రెష్ రేట్ డిస్ప్లేలు వంటి ఫీచర్లు ఉన్నాయి. ఇవి గేమింగ్ అనుభవాన్ని మెరుగుపరచడమే కాకుండా, స్క్రోలింగ్, వీడియో వీక్షణను మరింత సులభతరం చేస్తాయి. పెరుగుతున్న 5జీ నెట్వర్క్ విస్తరణతో, ఈ బడ్జెట్ ఫోన్లు భవిష్యత్తు అవసరాలకు కూడా అనుగుణంగా ఉంటాయి.
