ఉత్తరాఖండ్కు చెందిన అంకితా భండారీ హత్య కేసులో కొత్తగా తెరపైకి వచ్చిన ఆరోపణలపై సీబీఐ దర్యాప్తు ముమ్మరంగా సాగుతోంది. ఈ నేపథ్యంలో అంకితా తల్లిదండ్రులు వీరేంద్ర సింగ్ భండారీ, సోనీ దేవి ఢిల్లీలోని సీబీఐ ప్రధాన కార్యాలయంలో ఉన్నతాధికారులను కలిసి కేసు వివరాలను అందించారు. నిష్పక్షపాత దర్యాప్తునకు అధికారులు హామీ ఇచ్చారు.
2022లో రిషికేశ్ సమీపంలోని ఒక రిసార్ట్లో రిసెప్షనిస్టుగా పనిచేసిన 19 ఏళ్ల అంకితా భండారీ హత్యకు గురైంది. ఈ కేసులో రిసార్ట్ యజమాని పుల్కిత్ ఆర్య, అతని ఇద్దరు సహచరులకు న్యాయస్థానం జీవిత ఖైదు విధించింది. అయితే, ఈ హత్య వెనుక ఒక ప్రముఖ వ్యక్తి (వీఐపీ) పాత్ర ఉందంటూ ఇటీవల సామాజిక మాధ్యమాల్లో ఆడియో, వీడియోలు ప్రచారంలోకి రావడంతో కేసు మరోసారి చర్చకు వచ్చింది.
తాజా వార్తలు, అప్డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
కొత్త ఆరోపణలపై సీబీఐ దృష్టి
ఈ ఆరోపణల నేపథ్యంలో గుర్తుతెలియని వ్యక్తుల పాత్రపై విచారణ జరిపేందుకు సీబీఐ ప్రత్యేక కేసు నమోదు చేసింది. సామాజిక మాధ్యమాల్లో ప్రచారమవుతున్న రికార్డింగుల్లోని అంశాలు, కేసులో ఏవైనా ఆధారాలు దాచిపెట్టారా లేదా ధ్వంసం చేశారా అనే ఆరోపణలను కూడా పరిశీలించాల్సి ఉంది. అయితే, వీఐపీగా పేర్కొంటున్న వ్యక్తి ఎవరో ఇప్పటివరకు అధికారికంగా నిర్ధారించలేదు.
