అంతర్జాతీయ కాఫీ దినోత్సవం సందర్భంగా ఆంధ్రప్రదేశ్కు ప్రత్యేక గుర్తింపు తెచ్చిన అరకు కాఫీపై ప్రశంసలు వెల్లువెత్తుతున్నాయి. తూర్పు కనుమల ప్రకృతి అందాల మధ్య, సారవంతమైన నేలలో గిరిజన రైతులు సాగు చేసే అరకు కాఫీ తన ప్రత్యేక రుచి, సువాసనతో దేశ, విదేశాల్లో ఆదరణ పొందుతోంది.
తూర్పు కనుమల నేల, అక్కడి ప్రకృతి వాతావరణం, గిరిజన రైతుల శ్రమ అరకు కాఫీ ప్రత్యేకతకు ప్రధాన కారణాలని పేర్కొంటున్నారు. ఈ కాఫీ కేవలం ఒక పానీయం మాత్రమే కాకుండా అడవులు, గిరిజన సమాజాలు, వారి సంప్రదాయ పరిజ్ఞానంతో ముడిపడిన ఉత్పత్తిగా గుర్తింపు పొందుతోంది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
అరకు ప్రాంతంలోని గిరిజన కుటుంబాలు తరతరాలుగా కొనసాగుతున్న వ్యవసాయ పద్ధతులతో కాఫీ సాగు చేస్తున్నారు. స్థానిక వాతావరణ పరిస్థితులకు అనుగుణంగా సాగు చేయడం, ప్రకృతి వనరులను ఆధారంగా చేసుకుని పంటను అభివృద్ధి చేయడం అరకు కాఫీకి ప్రత్యేక గుర్తింపును తీసుకొచ్చింది.
