సింగరేణి కాంట్రాక్ట్ వర్కర్స్ యూనియన్ నూతన కమిటీ ఎన్నిక: అధ్యక్షుడిగా మధుసూదన్ రెడ్డి, కార్యదర్శిగా యాకూబ్ షావలి ఏకగ్రీవం

నూతన కమిటీ రాష్ట్ర అధ్యక్షుడిగా ఆర్. మధుసూదన్ రెడ్డి, కార్యదర్శిగా షేక్ యాకూబ్ షావలి, ఉపాధ్యక్షుడిగా పాయం వెంకన్న, కోశాధికారిగా పుల్లయ్య, ఆర్గనైజింగ్ సెక్రటరీగా కొత్తపల్లి రఘు, ప్రచార కార్యదర్శిగా జెల్లా అశోక్ ఏకగ్రీవంగా ఎన్నికయ్యారు. ఇతర రాష్ట్ర కమిటీ సభ్యులను కూడా ఏకగ్రీవంగా ఎన్నుకున్నట్లు తెలిపారు.

ప్రధాన తీర్మానాలు

అనంతరం జరిగిన సమావేశంలో కాంట్రాక్ట్ కార్మికుల సమస్యల పరిష్కారానికి పలు తీర్మానాలు చేశారు. సింగరేణి కాంట్రాక్ట్ కార్మికులను శాశ్వత ఉద్యోగులుగా మార్చాలని, కోల్ ఇండియా వేతనాలను సింగరేణిలో అమలు చేయాలని, సుప్రీంకోర్టు తీర్పు ప్రకారం సమాన పనికి సమాన వేతనం చెల్లించాలని డిమాండ్ చేశారు.

అలాగే సింగరేణి కాంట్రాక్ట్ కార్మికులకు ఓటు హక్కు కల్పించాలని, 26 రోజుల పని దినాలను కల్పిస్తూ ఆప్షన్ విధానాన్ని రద్దు చేయాలని తీర్మానించారు. బెల్ట్ క్లీనింగ్ కార్మికులకు సెమీ స్కిల్డ్ వేతనాలు అమలు చేయాలని, ఖాళీగా ఉన్న సింగరేణి క్వార్టర్లను కాంట్రాక్ట్ కార్మికులతో భర్తీ చేయాలని నూతన కమిటీ కోరింది.

ఐక్య పోరాటాలకు పిలుపు

కాంట్రాక్ట్ కార్మికుల హక్కుల సాధన, సమస్యల పరిష్కారం కోసం ఐక్యంగా అన్ని కార్మిక సంఘాలు ఉద్యమించాలని ఈ సందర్భంగా నాయకులు పిలుపునిచ్చారు.