రేపటి ఎంపీటీసీ, జెడ్పీటీసీ ఓట్ల లెక్కింపునకు పటిష్ట ఏర్పాట్లు: ఎస్పీ ధీరజ్ కునుబిల్లి

స్ట్రాంగ్ రూమ్ ల నుండి కౌంటింగ్ హాల్ వరకు బ్యాలెట్ బాక్సుల తరలింపుపై ప్రత్యేక నిఘా ఉంచామని తెలిపారు. అధికారిక పాసులు ఉన్నవారిని మాత్రమే తనిఖీ అనంతరం లోపలికి అనుమతిస్తామని స్పష్టం చేశారు. కౌంటింగ్ ప్రాంగణంలో మొబైల్ ఫోన్లు, ఇతర ఎలక్ట్రానిక్ వస్తువులపై పూర్తి నిషేధం విధించామని తెలిపారు.

144 సెక్షన్ అమలు

ఎవరైనా నిబంధనలు ఉల్లంఘించి శాంతిభద్రతలకు భంగం కలిగిస్తే కఠిన చర్యలు తప్పవని హెచ్చరించారు. కౌంటింగ్ కేంద్రం పరిసరాల్లో 144 సెక్షన్ అమలులో ఉంటుందని, అనవసరంగా గుంపులుగా చేరవద్దని సూచించారు. విజయోత్సవ ర్యాలీలు, బాణాసంచా కాల్చడంపై నిషేధం ఉందని గుర్తు చేశారు.

ప్రశాంతంగా ముగియాలని ఆకాంక్ష

లెక్కింపు ప్రశాంతంగా, పారదర్శకంగా ముగిసేందుకు అందరూ పోలీసులకు సహకరించాలని ఎస్పీ కోరారు. ఎన్నికల ఫలితాలపై సోషల్ మీడియాలో తప్పుడు ప్రచారాలు చేస్తే చట్టపరమైన చర్యలు తీసుకుంటామని హెచ్చరించారు.