బంగ్లాదేశ్ రాజధాని ఢాకాలో సోమవారం వరుస బాంబు పేలుళ్లు, బస్సుల దహన ఘటనలు కలకలం రేపాయి. నగరంలోని పలు ప్రాంతాల్లో 50కి పైగా నాటు బాంబు పేలుళ్లు జరిగినట్లు స్థానిక మీడియా కథనాలు వెల్లడించాయి. కనీసం ఎనిమిది బస్సులకు దుండగులు నిప్పంటించినట్లు సమాచారం.
ఈ ఘటనలతో రాజధానిలో భద్రతా పరిస్థితిపై ఆందోళన వ్యక్తమవుతోంది. ఢాకా యూనివర్సిటీ పరిసరాలు, కోర్టు ప్రాంగణాలు, రద్దీగా ఉండే రవాణా కేంద్రాల సమీపంలో పేలుళ్లు జరిగినట్లు నివేదికలు తెలిపాయి.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
బస్సులను లక్ష్యంగా దాడులు
కొన్ని ప్రాంతాల్లో బస్సులను లక్ష్యంగా చేసుకుని నిప్పంటించిన ఘటనలు చోటుచేసుకున్నాయి. వరుస ఘటనలతో ప్రజలు భయాందోళనలకు గురయ్యారు. బంగ్లాదేశ్లో ఇప్పటికే రాజకీయ, భద్రతాపరమైన ఉద్రిక్తతలు కొనసాగుతున్న నేపథ్యంలో తాజా ఘటనలు మరింత చర్చకు దారితీశాయి.
