మహారాష్ట్రలో ఓటర్ల జాబితా సవరణ ప్రక్రియలో భాగంగా భారీ సంఖ్యలో దరఖాస్తులు అందాయి. రాష్ట్రవ్యాప్తంగా 36 జిల్లాల నుంచి మొత్తం 6,24,054 దరఖాస్తులు స్వీకరించినట్లు ప్రధాన ఎన్నికల అధికారి కార్యాలయం వెల్లడించింది. కొత్త ఓటర్ల నమోదు, పేర్ల చేర్పులు, తొలగింపులు, వివరాల సవరణ వంటి అంశాలపై ఈ దరఖాస్తులు వచ్చాయి.
ముసాయిదా ఓటర్ల జాబితా విడుదలైన తర్వాత, కొత్త ఓటర్ల నమోదు కోసం 6,05,097 ఫారం-6 దరఖాస్తులు అందాయి. ఓటర్ల జాబితాలో పేర్ల చేర్పులపై అభ్యంతరాలు లేదా తొలగింపుల కోసం 11,251 ఫారం-7 దరఖాస్తులు, ఓటరు వివరాల్లో తప్పుల సవరణ కోసం 7,706 ఫారం-8 దరఖాస్తులు స్వీకరించారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
జిల్లాల వారీగా పరిశీలిస్తే, పుణే జిల్లా అత్యధికంగా 56,605 దరఖాస్తులతో మొదటి స్థానంలో నిలిచింది. థానే (46,373), ముంబై సబర్బన్ (38,094), నాసిక్ (32,691), జల్గావ్ (28,397) జిల్లాల్లో కూడా అధిక సంఖ్యలో దరఖాస్తులు నమోదయ్యాయి. సింధుదుర్గ్ జిల్లాలో అత్యల్పంగా 2,394 దరఖాస్తులు వచ్చినట్లు అధికారులు తెలిపారు.
