జిల్లా కేంద్రంలోని మిర్చి కాంపౌండ్ ప్రాంతంలో జరిగిన పేలుడు ఘటనలో చెత్త ఏరుకుంటున్న ఓ మహిళ మృతి చెందింది. ఈ ఘటనతో స్థానికులు భయాందోళనకు గురయ్యారు. ఖాళీ స్థలంలో పేరుకుపోయిన చెత్తలో ఈ పేలుడు సంభవించింది.
మిర్చి కాంపౌండ్లోని ఖాళీ ప్రదేశంలో భారీగా చెత్త పేరుకుపోయింది. ఆ ప్రాంతానికి వచ్చిన ఓ మహిళ పనికిరాని వస్తువులను ఏరుకుంటోంది. ఈ క్రమంలో అకస్మాత్తుగా భారీ శబ్దంతో పేలుడు సంభవించింది. పేలుడు తీవ్రతకు మహిళ అక్కడికక్కడే మృతిచెందినట్లు సమాచారం. పేలుడు ధాటికి ఆమె శరీరానికి తీవ్ర గాయాలయ్యాయి.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
స్థానికుల్లో భయాందోళన
పేలుడు శబ్దం వినిపించడంతో పరిసర ప్రాంతాల ప్రజలు ఉలిక్కిపడ్డారు. ఏం జరిగిందో తెలుసుకునేందుకు ఇళ్ల నుంచి బయటకు వచ్చారు. ఘటనాస్థలిలో నెలకొన్న పరిస్థితులను చూసి ఆందోళనకు గురయ్యారు. సమాచారం అందుకున్న పోలీసులు అక్కడికి చేరుకుని పరిస్థితిని పరిశీలించారు.
