కరేబియన్ ప్రీమియర్ లీగ్ (సీపీఎల్) 2026 సీజన్లో ఆంటిగ్వా అండ్ బార్బుడా ఫాల్కన్స్ తొలిసారి టైటిల్ను గెలుచుకుంది. బార్బడోస్లోని కెన్సింగ్టన్ ఓవల్లో జరిగిన ఫైనల్లో జమైకా కింగ్స్మెన్పై 8 వికెట్ల తేడాతో విజయం సాధించింది. ఫాల్కన్స్ 170 పరుగుల లక్ష్యాన్ని 16.4 ఓవర్లలో ఛేదించింది.
మొదట బ్యాటింగ్ చేసిన జమైకా కింగ్స్మెన్ తరఫున మాజ్ సదాఖత్ అద్భుతమైన ప్రదర్శన కనబరిచాడు. కేవలం 58 బంతుల్లో 114 పరుగులు చేశాడు. ఇందులో 8 ఫోర్లు, 9 సిక్సర్లు ఉన్నాయి. 49 బంతుల్లోనే శతకం పూర్తి చేసి, సీపీఎల్ ఫైనల్లో శతకం సాధించిన తొలి బ్యాటర్గా చరిత్ర సృష్టించాడు.
తాజా వార్తలు, అప్డేట్స్ అన్నీ మీ దగ్గర!
రోజువారీ వార్తలు మీ ఇన్బాక్స్కి పొందండి
అయితే, సదాఖత్ మినహా మిగతా బ్యాటర్లు పెద్దగా రాణించకపోవడంతో కింగ్స్మెన్ 20 ఓవర్లలో 9 వికెట్లకు 170 పరుగులకే పరిమితమైంది. ఫాల్కన్స్ బౌలర్లలో సుఫ్యాన్ మొకీమ్ కీలక పాత్ర పోషించాడు. అతను 4 ఓవర్లలో కేవలం 14 పరుగులు ఇచ్చి 4 వికెట్లు పడగొట్టాడు. ఒక దశలో 108/2గా ఉన్న కింగ్స్మెన్ను 113/6కు చేర్చడంలో అతని బౌలింగ్ కీలమైంది.
