అంతరిక్ష పరిశోధనల్లో శాస్త్రవేత్తలు మరో కీలక ముందడుగు వేశారు. ఇప్పటివరకు గుర్తించిన గ్రహాల్లో అత్యంత తక్కువ వయసున్న గ్రహంగా ఎలియాస్ 2-24 బి ( 2-24 )ను ఖగోళ శాస్త్రవేత్తలు నిర్ధారించారు. ఈ గ్రహం వయసు పది లక్షల సంవత్సరాల కంటే తక్కువగా ఉండటం విశేషం.
ఇది ఇంకా తన మాతృనక్షత్రం చుట్టూ ఉన్న వాయువు, ధూళితో కూడిన పదార్థాల మధ్య పరిభ్రమిస్తూ, గ్రహం ఏర్పడే తొలి దశలోనే ఉందని పరిశోధకులు గుర్తించారు. ఈ ఆవిష్కరణ గ్రహాలు ఎలా ఏర్పడతాయనే అంశంపై మరింత అవగాహన కల్పించనుంది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
బృహస్పతి పరిమాణంలో కొత్త గ్రహం
ఎలియాస్ 2-24 బి మన సౌరవ్యవస్థలోని బృహస్పతి గ్రహానికి దాదాపు సమానమైన ద్రవ్యరాశిని కలిగి ఉంది. ఇది భూమికి సుమారు 450 కాంతి సంవత్సరాల దూరంలో ఉన్న ఎలియాస్ 2-24 అనే యువ నక్షత్రం చుట్టూ తిరుగుతోంది. ఈ గ్రహం తన నక్షత్రం నుంచి భూమి-సూర్యుడి మధ్య దూరానికి దాదాపు 55 రెట్ల దూరంలో ఉంది. ఇంత దూరంలో ఉండి, ఇంత తక్కువ సమయంలో భారీ గ్రహం ఏర్పడటం ప్రస్తుత గ్రహ నిర్మాణ సిద్ధాంతాలకు సవాలుగా మారింది.
