హైదరాబాద్లో ఎక్సైజ్ శాఖ, ఆ శాఖ కమిషనర్పై వస్తున్న ఆరోపణలను తెలంగాణ బార్ అండ్ రెస్టారెంట్ ఓనర్స్ అసోసియేషన్ ఖండించింది. జేఏసీ ముసుగులో కొందరు వ్యక్తులు ఉన్నతాధికారులను లక్ష్యంగా చేసుకుని అసత్య ఆరోపణలు చేస్తున్నారని అసోసియేషన్ అధ్యక్షుడు దామోదర్ గౌడ్ ఆరోపించారు.
ప్రభుత్వానికి ఆదాయం పెంచేందుకు ఎక్సైజ్ శాఖ అధికారులు నిరంతరం పనిచేస్తున్నారని దామోదర్ గౌడ్ పేర్కొన్నారు. ఎక్సైజ్ శాఖ కమిషనర్పై జేఏసీ నాయకుడు రాచాల యుగంధర్ గౌడ్ చేస్తున్న ఆరోపణలు వాస్తవాలకు విరుద్ధంగా ఉన్నాయని ఆయన అన్నారు. కమిషనర్ ఆంధ్ర ప్రాంతానికి చెందిన అధికారని ప్రస్తావిస్తూ విమర్శలు చేయడం సరికాదని, ఐఏఎస్, ఐపీఎస్ అధికారులకు ప్రాంతీయ పరిమితులు ఉండవని గుర్తించాలని సూచించారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
ఎక్సైజ్ శాఖలో అవినీతి జరిగిందని ఎవరైనా భావిస్తే, అందుకు సంబంధించిన ఆధారాలను ముఖ్యమంత్రి రేవంత్రెడ్డి దృష్టికి తీసుకెళ్లాలని బార్ అసోసియేషన్ సూచించింది. ఆరోపణలు చేయడం కంటే సంబంధిత అధికారిక వ్యవస్థలకు ఫిర్యాదు చేయడం ద్వారా విచారణకు అవకాశం ఉంటుందని అసోసియేషన్ పేర్కొంది.
