అమెరికా అధ్యక్షుడు డొనాల్డ్ ట్రంప్ పాల్గొన్న ఎన్నికల ప్రచార సభలో జెఫ్రీ ఎప్స్టీన్ అంశం కలకలం రేపింది. ఓహియోలో జరిగిన సభలో ఓ వ్యక్తి ట్రంప్కు, లైంగిక నేరాలకు పాల్పడినట్లు దోషిగా తేలిన జెఫ్రీ ఎప్స్టీన్కు మధ్య ఉన్న సంబంధాలపై ప్రశ్నలు లేవనెత్తుతూ నినాదాలు చేశాడు. దీంతో ట్రంప్ స్పందిస్తూ ఎప్స్టీన్ను తానే తన క్లబ్ నుంచి బయటకు పంపించానని పేర్కొన్నారు.
అమెరికాలో మధ్యంతర ఎన్నికలకు సంబంధించి రిపబ్లికన్ పార్టీ అభ్యర్థులకు మద్దతుగా ట్రంప్ ఓహియోలోని చిల్లికోథేలో ప్రచార సభ నిర్వహించారు. ఆయన ప్రసంగిస్తున్న సమయంలో ఓ వ్యక్తి ట్రంప్.. జెఫ్రీ ఎప్స్టీన్ విమానంలో ప్రయాణించారు అంటూ అడ్డుకున్నాడు. దీంతో సభలో కొంతసేపు గందరగోళం నెలకొంది. భద్రతా సిబ్బంది ఆ వ్యక్తిని అక్కడి నుంచి బయటకు తీసుకెళ్లారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
ఎప్స్టీన్ను నేనే బయటకు పంపించా: ట్రంప్
నిరసనకారుడి వ్యాఖ్యలపై ట్రంప్ స్పందిస్తూ.. సుమారు 20 నుంచి 25 ఏళ్ల క్రితమే ఎప్స్టీన్ను తన మార్-ఎ-లాగో క్లబ్ నుంచి బయటకు పంపించానని చెప్పారు. అతడి ప్రవర్తనపై అనుమానం రావడంతోనే ఈ నిర్ణయం తీసుకున్నట్లు ట్రంప్ పేర్కొన్నారు. ఎప్స్టీన్తో తనకు సంబంధం లేదని, అతడిని తొలగించడం తాను తీసుకున్న సరైన నిర్ణయమని ట్రంప్ వ్యాఖ్యానించారు.
