ఉత్తరప్రదేశ్లోని గ్రేటర్ నోయిడా సమీపంలో యమునా ఎక్స్ప్రెస్ వేపై జరిగిన ఘోర బస్సు అగ్నిప్రమాదంలో తొమ్మిది మంది ప్రయాణికులు సజీవ దహనమయ్యారు. ఢిల్లీ నుంచి మహోబాకు వెళ్తున్న ప్రైవేట్ స్లీపర్ బస్సులో మంటలు చెలరేగాయి. ప్రయాణికులు బస్సులో కాలిన వాసన వస్తోందని ముందుగానే హెచ్చరించినా డ్రైవర్, కండక్టర్ పట్టించుకోలేదని ఎఫ్ఐఆర్లో వెల్లడైంది.
ప్రయాణికులు పలుమార్లు అప్రమత్తం చేసినా డ్రైవర్ ఆ వాసన సాధారణమేనని చెప్పి బస్సును ఆపలేదని ఎఫ్ఐఆర్లో ఆరోపించారు. డ్రైవర్, కండక్టర్ క్యాబిన్లో బీడీలు, సిగరెట్లు తాగుతున్న సమయంలో డ్రైవర్ సీటు సమీపంలో ఒక్కసారిగా మంటలు చెలరేగినట్లు ఫిర్యాదులో పేర్కొన్నారు. కొద్దిసేపటికే మంటలు వేగంగా వ్యాపించడంతో బస్సు మొత్తం దట్టమైన పొగతో నిండిపోయింది. కొందరు ప్రయాణికులు బస్సు నుంచి బయటకు దూకి ప్రాణాలు కాపాడుకోగా, మరికొందరు లోపలే చిక్కుకుపోయారు.
తాజా వార్తలు, అప్డేట్స్ అన్నీ మీ దగ్గర!
రోజువారీ వార్తలు మీ ఇన్బాక్స్కి పొందండి
ఈ బస్సు బీహార్ రిజిస్ట్రేషన్తో రాజ్ కల్పనా ట్రావెల్స్ ఆధ్వర్యంలో నడుస్తున్నట్లు అధికారులు గుర్తించారు. ప్రమాదం జరిగిన సమయంలో బస్సులో సుమారు 30 నుంచి 35 మంది ప్రయాణికులు ఉన్నట్లు సమాచారం. మంటల్లో తొమ్మిది మంది ప్రాణాలు కోల్పోగా, పలువురు గాయపడ్డారు. మృతులు కాలిన గాయాలు, ఊపిరాడకపోవడం వల్ల మరణించినట్లు పోలీసులు తెలిపారు.
