కడప మల్టీ స్పెషాలిటీ హాస్పిటల్ లో వైద్యులు అరుదైన క్యాన్సర్ గడ్డను విజయవంతంగా తొలగించారు. మైదుకూరుకు చెందిన 55 ఏళ్ల మహిళ కడుపులో పెరిగిన 5 కిలోల గడ్డను ఆధునిక సాంకేతికతతో తొలగించారు.
కడప నగరంలోని కడప మల్టీ స్పెషాలిటీ హాస్పిటల్ లో వైద్యులు అరుదైన శస్త్రచికిత్సను విజయవంతంగా పూర్తి చేశారు. క్యాన్సర్ వైద్యులు డాక్టర్ వంశీ విహారి, స్త్రీ వ్యాధుల నిపుణురాలు డాక్టర్ సాయి చరిత నేతృత్వంలోని బృందం ఈ ఆపరేషన్ నిర్వహించింది.
మైదుకూరుకు చెందిన వెంకట రమణమ్మ (55) అనే మహిళ గత ఏడాదిగా కడుపులో క్యాన్సర్ గడ్డతో బాధపడుతున్నారు. ఆమె కడుపులో సుమారు 34 సెంటీమీటర్ల పరిమాణంలో ఉన్న 5 కిలోల గడ్డను ఆధునిక వైద్య పరిజ్ఞానంతో తొలగించినట్లు వైద్యులు తెలిపారు. ఈ ఆపరేషన్ తో ఆమెకు ఉపశమనం లభించింది.
వైద్యులు మాట్లాడుతూ, ఈ అరుదైన శస్త్రచికిత్స విజయవంతం కావడం తమకు ఎంతో సంతృప్తినిచ్చిందని, స్థానికంగానే అధునాతన వైద్య సేవలు అందుబాటులో ఉన్నాయని పేర్కొన్నారు. ఉమ్మడి కడప జిల్లా ప్రజలు మెరుగైన వైద్యం కోసం దూర ప్రాంతాలకు వెళ్లాల్సిన అవసరం లేదని, తమ ఆసుపత్రిలో అన్ని రకాల సర్జరీలు చేయగలమని హామీ ఇచ్చారు.
శస్త్రచికిత్స చేయించుకున్న వెంకట రమణమ్మ మాట్లాడుతూ, డాక్టర్లు తనకు పునర్జన్మనిచ్చారని, కడుపులోని గడ్డతో తీవ్రంగా బాధపడ్డానని, ఇప్పుడు ఉపశమనం పొందినందుకు వైద్యులకు, సిబ్బందికి కృతజ్ఞతలు తెలిపారు.
