పార్లమెంట్లో ముఖ్యమైన బిల్లులపై జరిగే చర్చల్లో ఎస్సీ, ఎస్టీ వర్గాలకు చెందిన ఎంపీలకు మరింత మాట్లాడే అవకాశం కల్పించాలని కేంద్ర మంత్రి, హిందుస్థానీ అవామ్ మోర్చా నేత జితన్ రామ్ మాంఝీ లోక్సభ స్పీకర్ ఓం బిర్లాను కోరారు. ఈ మేరకు ఆయన స్పీకర్కు లేఖ రాశారు.
ఢిల్లీలోని తన నివాసంలో జరిగిన ఎన్డీయే ఎంపీల సమావేశంలో మధ్యప్రదేశ్లోని ఖర్గోన్ నియోజకవర్గానికి చెందిన బీజేపీ ఎంపీ గజేంద్ర సింగ్ పటేల్ ఈ అంశాన్ని ప్రస్తావించినట్లు మాంఝీ తన లేఖలో పేర్కొన్నారు. ఎస్సీ, ఎస్టీ వర్గాలకు చెందిన ఎంపీలు తమ సమాజాలకు సంబంధించిన సమస్యలను సభలో ప్రస్తావించేందుకు తగినంత సమయం లభించడం లేదని పటేల్ అభిప్రాయపడినట్లు తెలిపారు.
తాజా వార్తలు, అప్డేట్స్ అన్నీ మీ దగ్గర!
రోజువారీ వార్తలు మీ ఇన్బాక్స్కి పొందండి
ఈ అంశంపై తగిన చర్యలు తీసుకుని, సంబంధిత అధికారులకు అవసరమైన ఆదేశాలు జారీ చేయాలని మాంఝీ స్పీకర్ను కోరారు. పటేల్ కూడా ఎస్సీ, ఎస్టీ ఎంపీలకు ప్రస్తుతం మాట్లాడే అవకాశం ఉన్నప్పటికీ, మరింత సమయం కేటాయిస్తే ఆయా వర్గాలకు సంబంధించిన సమస్యలను విస్తృతంగా సభ దృష్టికి తీసుకురావచ్చని పేర్కొన్నారు.
