ధారాశివ్, 17 అక్టోబర్ 2026
పంట నష్టాలతో తీవ్రంగా ఇబ్బందులు పడుతున్న మహారాష్ట్ర రైతు ఒకరు, ప్రభుత్వం ప్రకటించిన ఆర్థిక సాయంపై నిరసన తెలిపారు. కరువు ప్రభావిత రైతులకు దీపావళికి ముందు రూ.5,000 చొప్పున సాయం అందిస్తామని రాష్ట్ర ప్రభుత్వం ప్రకటించగా, ఆ మొత్తాన్నే ముఖ్యమంత్రి దేవేంద్ర ఫడ్నవీస్కు మనీ ఆర్డర్ ద్వారా పంపించాడు. ఈ ఘటన ధారాశివ్ జిల్లాలో చోటుచేసుకుంది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
ధారాశివ్ జిల్లా సుర్డి గ్రామానికి చెందిన చాంద్ షేక్ అనే రైతు తనకున్న ఎకరన్నర పొలంలో సోయాబీన్ సాగు చేశాడు. విత్తనాలు, సాగు పనులు తదితర అవసరాల కోసం సుమారు రూ.25,000 ఖర్చు చేశాడు. అయితే, పంట దిగుబడి కేవలం 60 కిలోలకే పరిమితమైంది. దానిని విక్రయించగా రూ.3,900 మాత్రమే ఆదాయం వచ్చిందని వివరించాడు.
