ఆంధ్రప్రదేశ్లో స్థానిక సంస్థల ఎన్నికల ప్రక్రియకు సంబంధించి సుప్రీంకోర్టు కీలక ఆదేశాలు జారీ చేసింది. నామినేషన్లు దాఖలు చేయకుండా అభ్యర్థులను అడ్డుకున్నారంటూ వైఎస్సార్ కాంగ్రెస్ పార్టీ చేసిన ఫిర్యాదుల నేపథ్యంలో ఎన్నికల ప్రక్రియ పారదర్శకంగా, స్వేచ్ఛాయుతంగా జరిగేలా చర్యలు తీసుకోవాలని రాష్ట్ర ఎన్నికల సంఘాన్ని ఆదేశించింది. నామినేషన్లకు సంబంధించి వచ్చిన ఫిర్యాదులు, ఆధారాలను పరిశీలించాలని సూచించింది.
ఆంధ్రప్రదేశ్లో పట్టణ స్థానిక సంస్థల ఎన్నికల నామినేషన్ల ప్రక్రియపై సుప్రీంకోర్టు కీలక ఆదేశాలు జారీ చేసింది. నామినేషన్లు దాఖలు చేయకుండా తమ అభ్యర్థులను అడ్డుకున్నారని వైఎస్సార్ కాంగ్రెస్ పార్టీ చేసిన ఆరోపణలపై విచారణ చేపట్టిన ధర్మాసనం, ఎన్నికల ప్రక్రియలో ప్రతి అభ్యర్థికి సమాన అవకాశం కల్పించాలని రాష్ట్ర ఎన్నికల సంఘాన్ని ఆదేశించింది. నామినేషన్ల దాఖలు స్వేచ్ఛాయుత ఎన్నికల ప్రక్రియలో కీలక భాగమని స్పష్టం చేసింది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
ఎక్కడైనా శాంతిభద్రతల సమస్యల కారణంగా అభ్యర్థులు నామినేషన్లు వేయలేకపోయినట్లు తేలితే, ఆయా పట్టణ స్థానిక సంస్థల్లో నామినేషన్ల గడువు పొడిగించే అంశంపై నిర్ణయం తీసుకోవాలని పేర్కొంది. గడువు పొడిగిస్తే, నిర్ణయం ప్రకటించిన తర్వాత కనీసం 48 గంటల సమయం ఇవ్వాలని సూచించింది.
