హైదరాబాద్లోని గచ్చిబౌలి స్టేడియంలో ఆదివారం నిర్వహించిన మారథాన్లో పాల్గొన్న సాఫ్ట్వేర్ ఇంజినీర్ కొమ్మినేని గోపి (36) మారథాన్ను విజయవంతంగా పూర్తి చేసి పతకం అందుకున్న కొద్దిసేపటికే గుండెపోటుతో మృతి చెందారు. ఈ ఘటనతో ఆయన కుటుంబ సభ్యులు, తోటి రన్నర్లు తీవ్ర విషాదంలో మునిగిపోయారు.
మణికొండలోని అల్కాపూర్ కాలనీకి చెందిన కొమ్మినేని గోపి, ఎన్ఈబీ సంస్థ ఆధ్వర్యంలో గచ్చిబౌలి స్టేడియంలో జరిగిన మారథాన్లో పాల్గొన్నారు. నిర్ణీత దూరాన్ని పూర్తి చేసి ఫినిషర్ పతకాన్ని కూడా అందుకున్నారు. అయితే, మారథాన్ ముగిసిన తర్వాత అల్పాహారం కోసం వెళ్తుండగా ఆయన ఒక్కసారిగా కుప్పకూలిపోయారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
తక్షణ వైద్యం అందకనే మృతి
వెంటనే స్పందించిన నిర్వాహకులు గోపిని సమీపంలోని కేర్ ఆసుపత్రికి తరలించారు. అక్కడ వైద్యులు పరీక్షించి, ఆయన అప్పటికే మృతి చెందినట్లు తెలిపారు. ప్రాథమికంగా గుండెపోటు కారణంగానే మరణించినట్లు వైద్యులు నిర్ధారించారు. ఈ ఘటనతో ఆయన కుటుంబ సభ్యులు, స్నేహితులు, తోటి రన్నర్లు తీవ్ర దిగ్భ్రాంతికి గురయ్యారు.
