తెలంగాణలోని ఆదిలాబాద్ రాజీవ్ గాంధీ వైద్య విజ్ఞాన సంస్థ (రిమ్స్)లో నవజాత శిశువుల ప్రత్యేక సంరక్షణ విభాగంలో జరిగిన అగ్నిప్రమాదం తీవ్ర విషాదాన్ని మిగిల్చింది. ఇప్పటికే ఇద్దరు శిశువులు మృతి చెందగా, చికిత్స పొందుతున్న మరో శిశువు కూడా మృతి చెందింది. దీంతో మృతుల సంఖ్య మూడుకు చేరింది.
ప్రమాదం జరిగిన సమయంలో విభాగంలో సుమారు 27 మంది శిశువులు ఉన్నట్లు అధికారులు తెలిపారు. దట్టమైన పొగతో పరిస్థితి ప్రమాదకరంగా మారడంతో వైద్య సిబ్బంది, ఆస్పత్రి సిబ్బంది, అగ్నిమాపక సిబ్బంది కలిసి శిశువులను బయటకు తరలించారు. కొన్ని చోట్ల తలుపులు, అద్దాలను పగులగొట్టి చిన్నారులను బయటకు తీసుకురావాల్సి వచ్చిందని తెలిపారు.
తాజా వార్తలు, అప్డేట్స్ అన్నీ మీ దగ్గర!
రోజువారీ వార్తలు మీ ఇన్బాక్స్కి పొందండి
మృతి చెందిన ముగ్గురు శిశువులు కూడా ముందస్తుగా జన్మించినవారేనని, వారంతా ఆడ శిశువులేనని అధికారులు, వివిధ నివేదికలు పేర్కొన్నాయి. వారిలో ఒక శిశువు ప్రమాదం జరిగిన కొద్దిసేపటికే మృతి చెందగా, మరో ఇద్దరు చికిత్స పొందుతూ ప్రాణాలు కోల్పోయారు.
