కొమురం భీమ్ ఆసిఫాబాద్ జిల్లాలో అక్రమ గంజాయి విక్రయాలపై పోలీసులు ఉక్కుపాదం మోపారు. ఈ క్రమంలో నలుగురు వ్యక్తులను అరెస్ట్ చేసి, వారి వద్ద నుంచి 150 గ్రాముల ఎండు గంజాయిని స్వాధీనం చేసుకున్నారు. దీని విలువ సుమారు రూ.7,500 ఉంటుందని అధికారులు తెలిపారు.
జిల్లాలో మాదకద్రవ్యాల అక్రమ విక్రయాలను అరికట్టేందుకు పోలీసులు తనిఖీలు ముమ్మరం చేశారు. జిల్లా ఎస్పీ నితికా పంత్ ఆదేశాల మేరకు ఆసిఫాబాద్ ఎస్ఐ ఎం. బోజ్జి రావుకు అందిన సమాచారంతో ఫారెస్ట్ చెక్పోస్ట్ వద్ద తనిఖీలు చేపట్టారు. ఈ సమయంలో గాజుల అజయ్, నాగపురి విష్ణులను అదుపులోకి తీసుకున్నారు. వారి వద్ద నుంచి 100 గ్రాముల ఎండు గంజాయిని స్వాధీనం చేసుకున్నారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
విచారణలో వీరిద్దరూ ఈస్గాం గ్రామానికి చెందిన సుజీత్ మండల్ వద్ద గంజాయి కొనుగోలు చేసినట్లు వెల్లడించారు. అనంతరం గుండి ఫ్లైఓవర్ వద్ద చేపట్టిన తనిఖీల్లో మాచర్ల అశోక్, బోయిరె వినేష్లను అదుపులోకి తీసుకున్నారు. అశోక్ వద్ద మరో 50 గ్రాముల ఎండు గంజాయి లభించినట్లు పోలీసులు తెలిపారు.
