ప్రొద్దుటూరులో సీఎం, డిప్యూటీ సీఎం పర్యటన: ఏర్పాట్లు ముమ్మరం

వేదిక నిర్మాణం, ప్రజలు కూర్చునే స్థలం, పార్కింగ్, భద్రతా ఏర్పాట్లు, మీడియా గ్యాలరీ, విద్యుత్, తాగునీటి సౌకర్యాలపై అధికారులకు సూచనలు చేశారు. సభకు పెద్ద ఎత్తున ప్రజలు, కార్యకర్తలు తరలిరానున్న నేపథ్యంలో ఎలాంటి అసౌకర్యం కలగకుండా చూడాలని ఆదేశించారు.

ముఖ్యమంత్రి, ఉప ముఖ్యమంత్రి పర్యటన ప్రొద్దుటూరు నియోజకవర్గానికి ప్రతిష్టాత్మకమని, ఈ పర్యటన ద్వారా నియోజకవర్గ అభివృద్ధికి సంబంధించి కీలక ప్రకటనలు వెలువడే అవకాశం ఉందని ఎమ్మెల్యే తెలిపారు.

ఈ సందర్భంగా ఆయన మాట్లాడుతూ, కూటమి ప్రభుత్వంపై ప్రజల్లో ఆదరణ ఉందని, సీఎం, డిప్యూటీ సీఎంలను చూసేందుకు జనం భారీగా తరలివస్తారని అన్నారు. సభను విజయవంతం చేసేందుకు నాయకులు, కార్యకర్తలు సమన్వయంతో పనిచేయాలని పిలుపునిచ్చారు.