ఐక్యరాజ్యసమితి సర్వసభ్య సమావేశాల నేపథ్యంలో కీలక దౌత్య పరిణామం చోటుచేసుకుంది. కేంద్ర విదేశాంగ మంత్రి ఎస్. జైశంకర్తో పాటు మధ్య ఐరోపాకు చెందిన విసెగ్రాడ్ సమూహంలోని నాలుగు దేశాల విదేశాంగ మంత్రులు తొలిసారిగా సంయుక్తంగా సమావేశమయ్యారు. న్యూయార్క్లో జరిగిన ఈ భేటీని జైశంకర్ కొత్త చారిత్రక ఘట్టంగా అభివర్ణించారు.
విసెగ్రాడ్ సమూహంలో పోలాండ్, హంగేరీ, స్లోవేకియా, చెక్ రిపబ్లిక్ దేశాలు ఉన్నాయి. ఈ దేశాలు ఆర్థిక, రక్షణ, సాంస్కృతిక, ఇంధన రంగాల్లో పరస్పర సహకారం కోసం కలిసి పనిచేస్తున్నాయి. భారత్తో ఈ నాలుగు దేశాలకూ ద్వైపాక్షిక సంబంధాలు ఉన్నప్పటికీ, ఐదు దేశాల విదేశాంగ మంత్రుల స్థాయిలో ఇలాంటి సమావేశం జరగడం ఇదే తొలిసారి. ఈ కొత్త వి4భారత్ వేదిక ద్వారా భవిష్యత్తులో మరింత సమన్వయంతో సహకారం కొనసాగించాలని ఇరుపక్షాలు నిర్ణయించాయి.
తాజా వార్తలు, అప్డేట్స్ అన్నీ మీ దగ్గర!
రోజువారీ వార్తలు మీ ఇన్బాక్స్కి పొందండి
ఏటా సమావేశం, వార్షిక వ్యాపార వేదిక
తొలి సమావేశంలో ప్రతి ఏడాది ఐదు దేశాల విదేశాంగ మంత్రులు సమావేశమయ్యేలా సంప్రదింపులను కొనసాగించేందుకు అంగీకారం కుదిరింది. అలాగే వ్యాపార వర్గాల మధ్య సంబంధాలను పెంచేందుకు వార్షిక వ్యాపార వేదిక ఏర్పాటు చేయాలని నిర్ణయించారు. భారత్యూరోపియన్ సమాఖ్య సంబంధాలు విస్తరిస్తున్న నేపథ్యంలో వి4 దేశాలతో ఆర్థిక, వాణిజ్య సంబంధాలను బలోపేతం చేసేందుకు ఈ వేదిక ఉపయోగపడుతుందని జైశంకర్ తెలిపారు.
