బిగ్బాస్ తెలుగు సీజన్ 10లో ఐదో వారం నామినేషన్స్ ప్రక్రియ ఆసక్తికరంగా సాగింది. ఇప్పటికే నాలుగు వారాలు పూర్తవగా, నలుగురు కంటెస్టెంట్లు హౌస్ నుంచి బయటకు వెళ్లారు. ఐదో వారం నామినేషన్స్లో భాగంగా కంటెస్టెంట్ల మధ్య గతంలో జరిగిన వివాదాలు మరోసారి తెరపైకి వచ్చాయి. దీంతో ఇంట్లో పలుమార్లు మాటల యుద్ధాలు చోటుచేసుకున్నాయి.
ఈసారి గుమ్మడికాయ టాస్క్ ద్వారా నామినేషన్స్ నిర్వహించారు. ఒక్కో రౌండ్లో ఓ కంటెస్టెంట్ గుమ్మడికాయను దాచగా, ఇద్దరు సభ్యులు దాన్ని వెతకాల్సి వచ్చింది. గెలిచిన వారికి ఇద్దరిని, ఓడిన వారికి ఒకరిని నామినేట్ చేసే అవకాశం ఇచ్చారు. అయితే, ఇమ్యూనిటీ సాధించిన సుధీర్, కెప్టెన్ వర్షిణిని నామినేట్ చేయకుండా నిబంధనలు విధించారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
మొదటి రౌండ్లో వర్షిణి గుమ్మడికాయను దాచగా, రామ్ ప్రసాద్, ముకేశ్ వెతికారు. రామ్ ప్రసాద్ విజేతగా నిలిచాడు. డాగర్ టాస్క్కు సంబంధించిన వ్యవహారంలో అమన్ చెప్పిన మాటలు, వీడియోలో కనిపించిన దృశ్యాల మధ్య తేడా ఉందంటూ అతడిని నామినేట్ చేశాడు. అలాగే, త్రిగుణ్రోహిత్ మధ్య గతంలో జరిగిన వ్యవహారాన్ని ప్రస్తావిస్తూ త్రిగుణ్ను కూడా నామినేట్ చేశాడు.
