ప్రముఖ అమెరికన్ టెలివిజన్ ధారావాహిక బ్రేకింగ్ బ్యాడ్లో వాల్టర్ వైట్ జూనియర్ పాత్రతో గుర్తింపు పొందిన నటుడు ఆర్.జే. మిట్టే ( ) 34 ఏళ్ల వయసులో మరణించారు. ఆయన మరణవార్తతో హాలీవుడ్లో విషాదం నెలకొంది. ఆయనతో కలిసి నటించిన బ్రయాన్ క్రాన్స్టన్, ఆరోన్ పాల్, డీన్ నోరిస్, మార్లీ మ్యాట్లిన్ తదితరులు సంతాపం వ్యక్తం చేశారు.
అయితే, మరణానికి గల కారణం, పరిస్థితులపై దర్యాప్తు కొనసాగుతోందని సంబంధిత అధికారులు తెలిపినట్లు వార్తా కథనాలు పేర్కొన్నాయి.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
బ్రయాన్ క్రాన్స్టన్ భావోద్వేగ నివాళి
బ్రేకింగ్ బ్యాడ్లో మిట్టేకు తండ్రిగా నటించిన బ్రయాన్ క్రాన్స్టన్, ఆయన మరణవార్త తనను తీవ్రంగా కలచివేసిందని సామాజిక మాధ్యమంలో పేర్కొన్నారు. మిట్టేకు 14 ఏళ్ల వయసులోనే పరిచయమయ్యానని, నటన పట్ల ఆయనకు ఎంతో ఉత్సాహం, పట్టుదల ఉండేవని గుర్తుచేసుకున్నారు. కొన్ని వారాల క్రితమే ఇద్దరూ సందేశాలు పంపుకుంటూ కలిసి భోజనం చేసేందుకు ప్రణాళిక వేసుకున్నామని క్రాన్స్టన్ తెలిపారు. ఆయనతో గడిపిన అనుభవాలు ఎప్పటికీ గుర్తుంటాయని, మిట్టేను ఎంతో మిస్ అవుతానని భావోద్వేగంగా నివాళులర్పించారు.
