గత కొన్ని రోజులుగా ఉక్కపోత, అధిక ఉష్ణోగ్రతలతో ఇబ్బంది పడుతున్న చెన్నై నగరవాసులకు భారత వాతావరణ శాఖ కొంత ఊరటనిచ్చే సమాచారం వెల్లడించింది. రానున్న రోజుల్లో నగరంలో ఆకాశం ఎక్కువగా మేఘావృతమై ఉండటంతో పాటు అక్కడక్కడ తేలికపాటి వర్షాలు కురిసే అవకాశం ఉందని తెలిపింది.
ఈ ప్రభావంతో పగటి ఉష్ణోగ్రతలు క్రమంగా తగ్గే అవకాశం ఉందని వాతావరణ నిపుణులు చెబుతున్నారు. కేరళ, తమిళనాడు మీదుగా విస్తరించిన అల్పపీడన ద్రోణి ప్రభావంతో చెన్నైలో మేఘాల ఆవర్తనం పెరగవచ్చని అధికారులు తెలిపారు.
తాజా వార్తలు, అప్డేట్స్ అన్నీ మీ దగ్గర!
రోజువారీ వార్తలు మీ ఇన్బాక్స్కి పొందండి
నగరంలో ఉదయం వేళల్లో మేఘావృత వాతావరణం కొనసాగడంతో పాటు సాయంత్రం లేదా రాత్రి సమయంలో అక్కడక్కడ తేలికపాటి వర్షాలు కురిసే అవకాశం ఉంది. ఇప్పటికే సోమవారం ఉదయం చెన్నైలోని కొన్ని ప్రాంతాల్లో చిరుజల్లులు పడగా, సాయంత్రం మరికొన్ని ప్రాంతాల్లో వర్షం కురిసింది. కొన్నిచోట్ల స్వల్పంగా ఉరుములు, మెరుపులు కూడా నమోదయ్యాయి.
