కాచిగూడ రైల్వే స్టేషన్లో కదులుతున్న రైలును ఎక్కే ప్రయత్నంలో ప్రమాదానికి గురైన తండ్రి, చిన్నారిని ఆర్పీఎఫ్ మహిళా కానిస్టేబుల్ రీనా కుమారి చాకచక్యంగా రక్షించారు. విశాఖ ఎక్స్ప్రెస్ కదులుతున్న సమయంలో ఈ ఘటన చోటుచేసుకుంది.
విశాఖ ఎక్స్ప్రెస్ రైలు కదులుతున్న సమయంలో ఓ వ్యక్తి తన కుమార్తెను ఎత్తుకుని రైలు ఎక్కేందుకు ప్రయత్నించాడు. ఈ క్రమంలో అతడు సమతుల్యత కోల్పోయి కింద పడేబోయాడు. పరిస్థితిని గమనించిన ఆర్పీఎఫ్ మహిళా కానిస్టేబుల్ రీనా కుమారి వెంటనే స్పందించి, వారిద్దరినీ రైలు కింద పడకుండా పక్కకు లాగారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
ఈ ఘటనను గమనించిన లోకో పైలట్ వెంటనే అత్యవసర బ్రేకులు వేయడంతో రైలు నిలిచిపోయింది. అనంతరం ఆ వ్యక్తి తన భార్య, కుమార్తెతో కలిసి సురక్షితంగా రైలు ఎక్కి ప్రయాణం కొనసాగించినట్లు వార్తా కథనాలు వెల్లడించాయి. ఈ ఘటనకు సంబంధించిన నిఘా కెమెరా దృశ్యాలు వెలుగులోకి రావడంతో కానిస్టేబుల్ రీనా కుమారి చర్యపై ప్రశంసలు వ్యక్తమయ్యాయి.
