మండలం పరిధిలోని డమర, చిన్న భీంపురం గ్రామాలలో ఇటీవల జరిగిన రైలు ప్రమాదంలో మృతి చెందిన గిరిజన విద్యార్థుల కుటుంబాలను మాజీ ఉపముఖ్యమంత్రి ధర్మాన కృష్ణదాస్ పరామర్శించారు. బాధిత కుటుంబాలకు ఆయన ఆర్థిక సహాయం అందజేశారు.
ముఖలింగాపురం పంచాయతీ డమర గ్రామానికి చెందిన గంగువాడ నాగరాజు కుమారుడు విశాల్, జన్ని రాము కుమారుడు దిలీప్ కుటుంబ సభ్యులను, అలాగే మేఘవరం పంచాయతీ చిన్న భీంపురం గ్రామానికి చెందిన రైలు ప్రమాద మృతుడు జన్ని శరత్ కుమార్ కుటుంబ సభ్యులను ధర్మాన కృష్ణదాస్, సమన్వయకర్త పేరాడ తిలక్ కలిసి ఓదార్చారు.
తాజా వార్తలు, అప్డేట్స్ అన్నీ మీ దగ్గర!
రోజువారీ వార్తలు మీ ఇన్బాక్స్కి పొందండి
ఈ సందర్భంగా ధర్మాన కృష్ణదాస్ మాట్లాడుతూ, ఈ ప్రమాదం అత్యంత దురదృష్టకరమని, నలుగురు విద్యార్థులు మృతి చెందడం, మరొకరు తీవ్రంగా గాయపడటం పేద గిరిజన కుటుంబాలకు తీరని విషాదమని అన్నారు. వసతి గృహాల్లో విద్యార్థుల భద్రతపై తగిన చర్యలు తీసుకోవాల్సిన అవసరం ఉందని సూచించారు.
