కెనడా, యూరోపియన్ యూనియన్ మధ్య సంబంధాలు బలపడే అవకాశం నేపథ్యంలో అమెరికా అధ్యక్షుడు డొనాల్డ్ ట్రంప్ కీలక హెచ్చరిక చేశారు. కెనడాను ఈయూకు అసోసియేట్ మెంబర్గా చేర్చే ప్రతిపాదనను యూరప్ ముందుకు తీసుకెళ్తే, యూరోపియన్ దేశాలపై భారీ సుంకాలు విధించే అవకాశం ఉందని ఆయన తెలిపారు.
యూరోపియన్ కమిషన్ అధ్యక్షురాలు ఉర్సులా వాన్ డెర్ లేయెన్ యూరోపియన్ పార్లమెంట్లో చేసిన ప్రసంగంలో కెనడాను ఈయూకు తొలి అసోసియేట్ మెంబర్గా చేర్చేందుకు అవకాశం కల్పించాలని ప్రతిపాదించారు. కెనడా పూర్తి స్థాయి ఈయూ సభ్యత్వాన్ని కోరడం లేదు. బదులుగా వాణిజ్యం, రక్షణ, సాంకేతికత, ఇంధనం, కృత్రిమ మేధ, కీలక ఖనిజాలు వంటి రంగాల్లో సహకారాన్ని మరింత విస్తరించే ప్రత్యేక భాగస్వామ్యాన్ని ఏర్పాటు చేయాలనే ఆలోచనపై చర్చ జరుగుతోంది.
తాజా వార్తలు, అప్డేట్స్ అన్నీ మీ దగ్గర!
రోజువారీ వార్తలు మీ ఇన్బాక్స్కి పొందండి
ట్రంప్ ప్రతిస్పందన
ఈ ప్రతిపాదనపై స్పందించిన ట్రంప్, కెనడాకు ఈయూ ప్రత్యేక హోదా కల్పించే చర్యను తాను ప్రతికూలంగా చూస్తే యూరప్పై వెరీ హెవీ టారిఫ్స్ విధించే అవకాశం ఉందని హెచ్చరించారు. కెనడా ఈయూకు దగ్గరవుతున్న పరిణామాన్ని ట్రంప్ విమర్శిస్తూ, అమెరికా ప్రయోజనాలకు వ్యతిరేకంగా చర్యలు తీసుకుంటే వాణిజ్యపరమైన చర్యలు తప్పవని సూచించారు. అయితే ఆయన పేర్కొన్న కొత్త సుంకాల ఖచ్చితమైన శాతం లేదా అమలు తేదీని ప్రకటించలేదు.
