ఇంగ్లిష్ లీగ్ కప్లో మాంచెస్టర్ యునైటెడ్కు ఊహించని ఎదురుదెబ్బ తగిలింది. సొంత మైదానం ఓల్డ్ ట్రాఫోర్డ్లో బ్రైటన్ అండ్ హోవ్ అల్బియన్ చేతిలో 3-2 తేడాతో ఓడిపోయి మూడో రౌండ్లోనే టోర్నీ నుంచి నిష్క్రమించింది. 2-0 ఆధిక్యంలో ఉన్నప్పటికీ మ్యాచ్ను కోల్పోవడం అభిమానులను నిరాశకు గురిచేసింది.
మ్యాచ్ ప్రారంభమైన కొద్దిసేపటికే మాంచెస్టర్ యునైటెడ్ ఆధిపత్యం ప్రదర్శించింది. ఎనిమిదో నిమిషంలో యువ ఆటగాడు షియా లేసీ గోల్ చేసి జట్టుకు 1-0 ఆధిక్యాన్ని అందించాడు. మరో రెండు నిమిషాలకే మేసన్ మౌంట్ గోల్ చేయడంతో యునైటెడ్ 2-0 ఆధిక్యంలోకి వెళ్లింది.
తాజా వార్తలు, అప్డేట్స్ అన్నీ మీ దగ్గర!
రోజువారీ వార్తలు మీ ఇన్బాక్స్కి పొందండి
అయితే ఈ ఆధిక్యాన్ని యునైటెడ్ కొనసాగించలేకపోయింది. తొలి అర్ధభాగం అదనపు సమయంలో చారలాంపోస్ కొస్టౌలాస్ బ్రైటన్ తరఫున గోల్ చేయడంతో స్కోరు 2-1కి చేరింది.
