పండుగల సీజన్ను దృష్టిలో ఉంచుకుని, నాణ్యత లేని, కల్తీ ఆహార పదార్థాల విక్రయాలను అరికట్టేందుకు మహారాష్ట్ర ఆహార, ఔషధ పరిపాలన శాఖ () తనిఖీలను ముమ్మరం చేసింది. నాసిక్లోని పంచవటి ఏపీఎంసీ మార్కెట్లో ఓ దుకాణంపై అధికారులు దాడి చేసి, సుమారు రూ.3.01 లక్షల విలువైన నెయ్యి, పసుపు నిల్వలను స్వాధీనం చేసుకున్నారు.
పంచవటి ఏపీఎంసీ మార్కెట్లోని బాలాజీ ఫ్రూట్ ట్రేడర్స్ దుకాణం నంబర్ 67లో అధికారులు తనిఖీలు నిర్వహించారు. ఈ సందర్భంగా వాతులా బ్రాండ్కు చెందిన 75 కిలోల ఆవు నెయ్యి నిల్వను గుర్తించారు. దీని విలువ సుమారు రూ.56,200గా అధికారులు తెలిపారు. అదే దుకాణంలో 900 కిలోల పసుపు పొడి కూడా లభించింది. దీని విలువ సుమారు రూ.2,45,700గా నమోదైంది. మొత్తంగా స్వాధీనం చేసుకున్న సరుకుల విలువ రూ.3,01,900గా ఉంది.
తాజా వార్తలు, అప్డేట్స్ అన్నీ మీ దగ్గర!
రోజువారీ వార్తలు మీ ఇన్బాక్స్కి పొందండి
ఆహార పదార్థాల నాణ్యతపై అనుమానాలు తలెత్తడంతో, అవి వినియోగానికి సురక్షితంగా ఉన్నాయా అనే సందేహాలతో అధికారులు ఈ నిల్వలను స్వాధీనం చేసుకున్నారు. ఆహార భద్రత, ప్రమాణాల చట్టం నిబంధనల ప్రకారం నమూనాలను సేకరించి ప్రయోగశాలకు పంపించనున్నారు. పరీక్షల ఫలితాల ఆధారంగా తదుపరి చట్టపరమైన చర్యలు తీసుకోనున్నారు.
