నిర్మల్: జిల్లాలో మౌలిక వసతుల కల్పనకు ప్రభుత్వం మరో అడుగు ముందుకేసింది. నిర్మల్ జిల్లాలో మొత్తం రూ.23.35 కోట్ల అంచనా వ్యయంతో చేపట్టనున్న పలు అభివృద్ధి పనులకు రాష్ట్ర మంత్రులు పొంగులేటి శ్రీనివాస్రెడ్డి, జూపల్లి కృష్ణారావు సోమవారం శంకుస్థాపన చేశారు. జిల్లా కలెక్టరేట్ ప్రాంగణంలో కలెక్టర్ భవేశ్ మిశ్రాతో కలిసి మంత్రులు శిలాఫలకాలను ఆవిష్కరించారు.
ఈ నిధులతో గోదావరి పుష్కరాలకు సంబంధించిన రహదారుల నిర్మాణం, రిజిస్ట్రార్ కార్యాలయాలు, తహసీల్దార్ కార్యాలయాలు, ప్రాథమిక ఆరోగ్య ఉపకేంద్రాల నిర్మాణ పనులను చేపట్టనున్నారు. ఈ నిర్మాణాలు పూర్తయితే ప్రజలకు ప్రభుత్వ సేవలు మరింత సులభంగా అందుబాటులోకి రానున్నాయి.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
అభివృద్ధి పనులను నిర్ణీత గడువులోగా పూర్తి చేసేలా అధికారులు చర్యలు తీసుకోవాలని మంత్రులు సూచించారు. జిల్లా పర్యటనలో భాగంగా నిర్మల్ చేరుకున్న మంత్రులకు, జిల్లా కలెక్టర్ భవేశ్ మిశ్రా, ఇతర అధికారులు స్వాగతం పలికారు. అనంతరం పోలీసులు గౌరవ వందనం సమర్పించారు.
