ఆంధ్రప్రదేశ్లో గ్రామీణ ప్రాంతాలకు సురక్షిత తాగునీటిని అందించే లక్ష్యంతో జల్ జీవన్ మిషన్ 2.0 అమరజీవి జలధార కార్యక్రమానికి శ్రీకారం చుట్టారు. వైఎస్సార్ జిల్లా ప్రొద్దుటూరు నియోజకవర్గంలోని కొత్తపల్లిలో ముఖ్యమంత్రి నారా చంద్రబాబు నాయుడు, ఉప ముఖ్యమంత్రి పవన్ కల్యాణ్ ఈ ప్రాజెక్టు పనులకు శంకుస్థాపన చేశారు.
రాష్ట్రవ్యాప్తంగా సుమారు రూ.30,156 కోట్ల వ్యయంతో 50,315 పనులు చేపట్టనున్నారు. ప్రస్తుతం ఉన్న 61.60 లక్షల గ్రామీణ కుళాయి కనెక్షన్లను బలోపేతం చేయడంతో పాటు, మరో 27.36 లక్షల కుటుంబాలకు కొత్తగా కుళాయి కనెక్షన్లు అందించనున్నట్లు ప్రభుత్వం తెలిపింది. ఈ కార్యక్రమం ద్వారా సుమారు 3.27 కోట్ల గ్రామీణ ప్రజలకు ప్రయోజనం కలగనుంది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
గ్రామీణ ప్రాంతాల్లో తాగునీటి సమస్యకు దీర్ఘకాలిక పరిష్కారం చూపడం, నీటి సరఫరా వ్యవస్థలను స్థిరంగా నిర్వహించడం ఈ కార్యక్రమం ప్రధాన ఉద్దేశ్యాలుగా పేర్కొన్నారు. రాష్ట్రంలోని అన్ని గ్రామీణ కుటుంబాలకు కుళాయి ద్వారా సురక్షితమైన నీటిని అందించడంపై ప్రభుత్వం దృష్టి సారించింది.
