ఉత్తరప్రదేశ్లో రాజ్యసభ ఎన్నికల నామినేషన్ ప్రక్రియలో భారతీయ జనతా పార్టీ (బీజేపీ) కీలక అడుగు వేసింది. పార్టీ ప్రకటించిన ఎనిమిది మంది అభ్యర్థులు మంగళవారం లక్నోలో తమ నామినేషన్ పత్రాలను దాఖలు చేశారు. ముఖ్యమంత్రి యోగి ఆదిత్యనాథ్, ఇతర సీనియర్ నేతల సమక్షంలో ఈ ప్రక్రియ జరిగింది.
బీజేపీ తరఫున ధర్మపాల్ సింగ్, రాధాకాంత్ ఓజా, ప్రకాశ్ పాల్, విద్యాసాగర్ సోంకర్, గోపీ కృష్ణ పాండే, ప్రియాంక సింగ్ రావత్, రామ్ ప్రతాప్ సింగ్ చౌహాన్, శ్రుతి గంగ్వార్ తమ నామినేషన్లను దాఖలు చేశారు. వీరిలో ఇద్దరు మహిళలు ఉన్నారు. పార్టీ సంస్థాగత కార్యకలాపాల్లో కీలకంగా పనిచేసిన పలువురు నేతలకు ఈసారి అవకాశం కల్పించారు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
ఉత్తరప్రదేశ్లో ఖాళీ అవుతున్న మొత్తం 10 రాజ్యసభ స్థానాలకు బీజేపీ ఎనిమిది మంది అభ్యర్థులను ప్రకటించింది. సమాజ్వాదీ పార్టీ ఇప్పటికే రామ్ గోపాల్ యాదవ్, ధనరాజ్ పరిమల్ నత్వానీ అనే ఇద్దరిని బరిలోకి దించింది. మూడో అభ్యర్థిని నిలబెట్టకూడదన్న సంకేతాలను ఎస్పీ ఇచ్చింది. దీంతో ప్రస్తుతం మొత్తం 10 స్థానాలకు 10 మంది అభ్యర్థులే ఉన్నారు.
