భారత యువ క్రికెటర్ తిలక్ వర్మ తన బౌలింగ్ నైపుణ్యాలను మెరుగుపరుచుకునేందుకు కృషి చేస్తున్నాడు. న్యూజిలాండ్తో నాలుగో టీ20 మ్యాచ్కు ముందు తన బౌలింగ్ ప్రణాళికలను వెల్లడించాడు. జట్టు అవసరాలకు అనుగుణంగా బంతితోనూ రాణించేందుకు సిద్ధంగా ఉన్నానని స్పష్టం చేశాడు.
ప్రస్తుతం జట్టులో ఉన్న నమన్ ధీర్ బౌలింగ్లో మంచి ప్రదర్శన చేస్తున్నాడని, అతడికి లభిస్తున్న అవకాశాన్ని తాను తీసుకోవాలనుకోవడం లేదని తిలక్ వర్మ తెలిపాడు. భారత జట్టు మేనేజ్మెంట్తో తన బౌలింగ్ గురించి చర్చించానని, మెరుగుపడేందుకు చాలా కష్టపడుతున్నానని, క్రమం తప్పకుండా సాధన చేస్తున్నానని చెప్పాడు. అవసరమైనప్పుడు జట్టుకు ఉపయోగపడే ఓవర్లు వేయగలననే నమ్మకం ఉందని పేర్కొన్నాడు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
బౌలింగ్పై ప్రత్యేక దృష్టి
2027లో దక్షిణాఫ్రికా వేదికగా జరగనున్న వన్డే ప్రపంచకప్ను దృష్టిలో ఉంచుకుని పరిమిత ఓవర్ల క్రికెట్లో తన బౌలింగ్ సామర్థ్యాన్ని పెంచుకోవాలని భావిస్తున్నాడు. తిలక్ వర్మ కుడిచేతి వాటం ఆఫ్ స్పిన్నర్గా బౌలింగ్ చేస్తాడు. ప్రస్తుతం భారత జట్టులో నమన్ ధీర్ బౌలింగ్లో మెరుగ్గా రాణిస్తున్నాడని, అతడు బాగా బౌలింగ్ చేస్తున్నప్పుడు తనకు వెంటనే బంతిని అందించాల్సిన అవసరం లేదని అభిప్రాయపడ్డాడు.
