తొలి కామన్వెల్త్ కబడ్డీ ఛాంపియన్షిప్లో భారత మహిళల జట్టు చరిత్ర సృష్టించింది. ఫైనల్లో ఉగాండాను చిత్తు చేసి స్వర్ణ పతకాన్ని కైవసం చేసుకుంది. కెప్టెన్ నిధి శర్మ నేతృత్వంలోని భారత జట్టు టోర్నమెంట్లో అజేయంగా నిలిచి టైటిల్ సాధించింది.
శనివారం అహ్మదాబాద్లో జరిగిన ఫైనల్ పోరులో భారత్, ఉగాండాపై 35-15 పాయింట్ల తేడాతో ఘన విజయం సాధించింది. టోర్నమెంట్లో ఒక్క మ్యాచ్ కూడా ఓడిపోకుండా ఆరు విజయాలతో అజేయంగా నిలిచిన భారత జట్టు టైటిల్ను అందుకుంది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
సాక్షి అద్భుత ప్రదర్శన
ఫైనల్ మ్యాచ్లో భారత తరఫున సాక్షి అత్యధికంగా 9 రైడ్ పాయింట్లు సాధించింది. అనూ 6 పాయింట్లు, కెప్టెన్ నిధి శర్మ 5 పాయింట్లు సాధించి జట్టు విజయంలో కీలక పాత్ర పోషించారు. రక్షణ విభాగంలో రితు, సుమన్ చెరో 4 టాకిల్ పాయింట్లు సాధించి ప్రత్యర్థి జట్టును కట్టడి చేశారు.
