కామన్వెల్త్ కబడ్డీ ఛాంపియన్షిప్ 2026 మహిళల విభాగంలో భారత్, ఉగాండా జట్లు ఫైనల్కు చేరుకున్నాయి. శుక్రవారం జరిగిన సెమీఫైనల్ మ్యాచ్లలో భారత్ శ్రీలంకపై ఘన విజయం సాధించగా, ఉగాండా చివరి నిమిషంలో కెన్యాపై ఉత్కంఠభరిత విజయాన్ని నమోదు చేసింది.
మహిళల సెమీఫైనల్లో భారత జట్టు శ్రీలంకతో తలపడింది. ఈ మ్యాచ్లో భారత క్రీడాకారిణులు ఆరంభం నుంచే అద్భుతమైన ఆటతీరును ప్రదర్శించారు. దాడులు, రక్షణ విభాగాల్లో సమన్వయంతో ఆడిన భారత జట్టు 39-14 స్కోరుతో శ్రీలంకను ఓడించి ఫైనల్లోకి ప్రవేశించింది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
మరో సెమీఫైనల్లో ఉగాండా, కెన్యా జట్లు హోరాహోరీగా తలపడ్డాయి. చివరి నిమిషం వరకు విజయం ఎవరిని వరిస్తుందో తెలియని పరిస్థితి నెలకొంది. చివరకు ఉగాండా జట్టు 23-21 స్కోరుతో కెన్యాపై విజయం సాధించి ఫైనల్కు అర్హత సాధించింది.
