సౌదీ ప్రో లీగ్లో క్రిస్టియానో రొనాల్డో అద్భుత ప్రదర్శన చేశాడు. అల్ ఖలూద్తో జరిగిన మ్యాచ్లో హ్యాట్రిక్ గోల్స్ సాధించి అల్ నసర్ జట్టు 5-3 తేడాతో ఘన విజయం సాధించడంలో కీలక పాత్ర పోషించాడు. ఈ మ్యాచ్ రియాద్లోని అల్ అవ్వల్ పార్క్ వేదికగా జరిగింది.
మ్యాచ్ ప్రారంభం నుంచే ఇరు జట్లు దూకుడుగా ఆడాయి. 16వ నిమిషంలో జూలియన్ డొమింగ్యూస్ గోల్ చేయడంతో అల్ ఖలూద్ 1-0 ఆధిక్యంలోకి వెళ్లింది. అయితే అల్ నసర్ ఎక్కువసేపు వెనుకబడలేదు. 24వ నిమిషంలో ఏంజెలో గోల్తో స్కోరును సమం చేసింది. 38వ నిమిషంలో సాడియో మానే మరో గోల్ చేయడంతో అల్ నసర్ 2-1 ఆధిక్యంలోకి వెళ్లింది. తొలి అర్ధభాగం ముగిసే సమయానికి అల్ ఖలూద్ తరఫున లోయిక్ ఎస్సోంబా గోల్ చేయడంతో స్కోరు 2-2గా మారింది.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
రెండో అర్ధభాగంలో రొనాల్డో జోరు
రెండో అర్ధభాగంలో రొనాల్డో తన ప్రతిభను చూపించాడు. 66వ నిమిషంలో జావో ఫెలిక్స్ అందించిన పాస్ను గోల్గా మలిచి అల్ నసర్కు ఆధిక్యాన్ని అందించాడు. ఆ తర్వాత 72వ నిమిషంలో ఫెలిక్స్ ఇచ్చిన క్రాస్ను తలతో అద్భుతంగా గోల్పోస్ట్లోకి పంపించాడు. 81వ నిమిషంలో సాడియో మానే అందించిన పాస్తో మరో గోల్ చేసి హ్యాట్రిక్ పూర్తి చేశాడు. కేవలం 15 నిమిషాల వ్యవధిలో మూడు గోల్స్ సాధించి ప్రత్యర్థి జట్టుకు కోలుకునే అవకాశం ఇవ్వలేదు.
