భారత క్రికెట్ జట్టు యువ ఓపెనర్ యశస్వి జైస్వాల్కు న్యూజిలాండ్తో జరగనున్న వన్డే సిరీస్లో చోటు దక్కకపోవడంపై మాజీ స్పిన్నర్ రవిచంద్రన్ అశ్విన్ తీవ్ర అసంతృప్తి వ్యక్తం చేశారు. ప్రతిభావంతుడైన ఆటగాడికి తగిన అవకాశాలు కల్పించాల్సిన బాధ్యత సెలక్టర్లు, జట్టు యాజమాన్యంపై ఉందని ఆయన పేర్కొన్నారు. జైస్వాల్ను వరుసగా అంతర్జాతీయ క్రికెట్కు దూరంగా ఉంచడం వల్ల అతడి ఆత్మవిశ్వాసం దెబ్బతినే ప్రమాదం ఉందని ఆయన ఆందోళన వ్యక్తం చేశారు.
ఈ నిర్ణయం అన్యాయంగా ఉందని ఆయన వ్యాఖ్యానించారు. న్యూజిలాండ్ పర్యటన కోసం భారత జట్టును ప్రకటించినప్పుడు జైస్వాల్కు వన్డే జట్టులో చోటు దక్కలేదు. ముఖ్యంగా చివరి రెండు వన్డేలకు శుభ్మన్ గిల్ అందుబాటులో లేని పరిస్థితిలో జైస్వాల్ను ఎంపిక చేసి ఉండాల్సిందని అశ్విన్ అభిప్రాయపడ్డాడు.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
అశ్విన్ యూట్యూబ్ ఛానెల్ విశ్లేషణ
తన యూట్యూబ్ ఛానెల్లో ఈ అంశంపై మాట్లాడిన అశ్విన్, అంతర్జాతీయ మ్యాచ్లు ఆడే అవకాశం చాలా పరిమితంగా ఉన్న జైస్వాల్కు ఈ సిరీస్లోనైనా అవకాశం కల్పించాల్సిందని పేర్కొన్నారు. టెస్టు సిరీస్ కోసం సిద్ధమయ్యేందుకు ఆటగాళ్లకు విశ్రాంతి అవసరమనే విషయాన్ని అర్థం చేసుకోవచ్చని, అయితే వన్డేల్లో ఆడే అవకాశాలను పూర్తిగా కోల్పోవడం సరైన నిర్ణయం కాదని ఆయన అభిప్రాయపడ్డారు.
