లింగంపల్లి సర్వే నంబర్ 164 ప్రభుత్వ భూమే: రెవెన్యూ అధికారుల ప్రకటన

లింగంపల్లి గ్రామంలోని సర్వే నంబర్ 164 లో గల భూమి వద్ద శుక్రవారం రెవెన్యూ అధికారులు ప్రభుత్వ భూమి అని తెలిపే హెచ్చరిక బోర్డును ఏర్పాటు చేశారు. ఈ సందర్భంగా అధికారులు మాట్లాడుతూ, రీసెటిల్మెంట్ రిజిస్టర్ () రికార్డుల ప్రకారం ఈ సర్వే నంబర్లో మొత్తం 101.09 ఎకరాల విస్తీర్ణం కలిగిన భూమి కొండ మరియు ప్రభుత్వ భూమి కింద నమోదై ఉందని తెలిపారు. ఈ భూమిపై ఎవరికీ వ్యక్తిగత హక్కులు లేవని, ఇది పూర్తిగా ప్రభుత్వానికి చెందినదని పేర్కొన్నారు.

ప్రస్తుతం ఈ భూమికి సంబంధించి సిద్ధవటం కోర్టులో మూడు కేసులు పెండింగ్లో ఉన్నాయని అధికారులు వెల్లడించారు. ఓఎస్ నంబర్ 06/2025, ఓఎస్ నంబర్ 07/2025 మరియు ఓఎస్ నంబర్ 65/2026 నంబర్లతో కేసులు విచారణ దశలో ఉన్నాయని తెలిపారు. కోర్టులో కేసులు ఉన్నంత మాత్రాన భూమి హక్కులు మారవని, కోర్టు నుండి తుది తీర్పు వెలువడే వరకు ఈ భూమి ప్రభుత్వ భూమిగానే పరిగణించబడుతుందని స్పష్టం చేశారు.

కోర్టు తీర్పు వచ్చే వరకు ఎవరూ ఈ భూమిని ఆక్రమించుకోవద్దని, కొనుగోలు, విక్రయాలు చేయవద్దని రెవెన్యూ అధికారులు హెచ్చరించారు. నిబంధనలు ఉల్లంఘించి భూమిలోకి ప్రవేశించినా, ఎటువంటి నిర్మాణాలు చేపట్టినా కఠిన చర్యలు తీసుకుంటామని హెచ్చరించారు.

ప్రభుత్వ భూముల పరిరక్షణకు చర్యలు చేపడుతున్నామని, ప్రజలు సహకరించాలని కోరారు.