పోలీసు అమరవీరులకు కొవ్వొత్తులతో ఘన నివాళి - కామారెడ్డిలో భారీ క్యాండిల్ ర్యాలీ

ఈ కార్యక్రమంలో వివిధ పోలీస్ స్టేషన్ల ఎస్హెచ్ఓలు, సర్కిల్ ఇన్స్పెక్టర్లు, పోలీస్ సిబ్బందితో పాటు వివిధ కళాశాలల విద్యార్థినీ విద్యార్థులు, ఆటో డ్రైవర్లు, పట్టణ ప్రజలు పెద్ద సంఖ్యలో పాల్గొని, కొవ్వొత్తులు చేతబట్టి అమరవీరులకు నివాళులర్పించారు.

అనంతరం అంబేద్కర్ విగ్రహం వద్ద కొవ్వొత్తులు వెలిగించి, పోలీసు అమరవీరులకు పోలీస్ అధికారులు ఘనంగా నివాళులర్పించారు. ఈ సందర్భంగా అమరవీరుల సేవలు, త్యాగాలను స్మరించుకున్నారు.

ప్రజల ప్రాణాలు, ఆస్తుల రక్షణతో పాటు దేశ శాంతిభద్రతల పరిరక్షణ కోసం పోలీసులు చేస్తున్న సేవలు వెలకట్టలేనివని పేర్కొన్నారు. విధి నిర్వహణలో ప్రాణత్యాగం చేసిన అమరవీరుల ఆశయాలను కొనసాగిస్తూ, ప్రజలకు అంకితభావంతో సేవలందించడమే వారికి అందించే నిజమైన నివాళి అని ఈ కార్యక్రమం ద్వారా చాటిచెప్పారు.