బాలీవుడ్ సూపర్స్టార్ షారుఖ్ ఖాన్ తన 61వ పుట్టినరోజు జరుపుకుంటున్నారు. వెండితెరపై తన నటనతో కోట్లాది మంది అభిమానులను సంపాదించుకున్న ఆయన, వ్యక్తిగత జీవితానికి సంబంధించిన ఎన్నో విలువైన విషయాలను తన ప్రసంగాల ద్వారా పంచుకున్నారు. ముఖ్యంగా దయ, వైఫల్యాలను ఎదుర్కోవడం, ఆత్మవిశ్వాసం, ఇతరులను గౌరవించడం వంటి అంశాలపై ఆయన చెప్పిన మాటలు ఎంతోమందికి స్ఫూర్తినిస్తున్నాయి.
ఈ సందర్భంగా షారుఖ్ ఖాన్ గతంలో వివిధ విశ్వవిద్యాలయాల్లో చేసిన ప్రసంగాల్లోని కొన్ని ముఖ్యమైన జీవిత పాఠాలను మరోసారి గుర్తుచేసుకుందాం.
తాజా వార్తలు, అప్‌డేట్స్ అన్నీ మీ దగ్గర!
రోజువారీ వార్తలు మీ ఇన్‌బాక్స్‌కి పొందండి
మన వ్యక్తిత్వాన్ని మనమే గుర్తించాలి
2012లో యేల్ యూనివర్సిటీలో చబ్ ఫెలోగా గౌరవం అందుకున్న సందర్భంగా విద్యార్థులను ఉద్దేశించి షారుఖ్ ప్రసంగించారు. కష్టకాలంలో ప్రపంచం మనల్ని అర్థం చేసుకోకపోయినా, మనలోని అసలైన వ్యక్తిత్వాన్ని మనం వదులుకోకూడదని ఆయన సూచించారు. ప్రపంచం మన పట్ల కఠినంగా వ్యవహరించినప్పుడు, మనల్ని మనం గుర్తించుకోవడం నేర్చుకోవాలని ఆయన చెప్పారు.
