నల్గొండలో కారు బీభత్సం: స్కూటీ, పారిశుధ్య కార్మికులను ఢీకొన్న వాహనం

నల్గొండ పట్టణంలో ఆదివారం అర్ధరాత్రి జరిగిన ఘోర రోడ్డు ప్రమాదంలో నలుగురు వ్యక్తులు గాయపడ్డారు. వేగంగా దూసుకొచ్చిన కారు అదుపుతప్పి బోల్తా పడి, స్కూటీని, పారిశుధ్య కార్మికులను ఢీకొట్టింది.

ఉడిపి హోటల్ సమీపంలో ఈ సంఘటన చోటుచేసుకుంది. కారు వేగంగా వచ్చి మొదట ఒక స్కూటీని ఢీకొట్టింది. ఆ తర్వాత రోడ్డు పక్కన పనిచేస్తున్న పారిశుధ్య కార్మికులను కూడా ఢీకొట్టింది. ఈ ధాటికి కారు అదుపుతప్పి బోల్తా పడింది.

ప్రమాదంలో స్కూటీపై ఉన్న ఇద్దరు, పారిశుధ్య కార్మికులు ఇద్దరు తీవ్రంగా గాయపడినట్లు సమాచారం. స్థానికులు వెంటనే స్పందించి, గాయపడిన వారిని సమీపంలోని ఆసుపత్రికి తరలించారు. వారి పరిస్థితిపై మరిన్ని వివరాలు తెలియాల్సి ఉంది.