కళ్యాణలక్ష్మి–షాదీ ముబారక్‌లో నకిలీ ధృవీకరణ పత్రాల ముఠా గుట్టురట్టు:…

ప్రభుత్వ జిల్లా ఆసుపత్రి ఆర్‌ఎంఓ డాక్టర్ చందారి సంతోష్ ఫిర్యాదు మేరకు కేసు నమోదు చేసి, డీఎస్పీ మధుసూదన్ పర్యవేక్షణలో ప్రత్యేక దర్యాప్తు చేపట్టారు. విచారణలో నిందితులు ఆన్‌లైన్ సేవా కేంద్రం ద్వారా దరఖాస్తుదారుల నుంచి పత్రాలు సేకరించి, ఒక్కో దరఖాస్తుకు రూ.4,500 నుంచి రూ.5,000 వరకు వసూలు చేసినట్లు తేలింది.

అనంతరం ప్రభుత్వ వైద్యాధికారుల పేర్లతో నకిలీ సంతకాలు, నకిలీ అధికారిక రబ్బరు ముద్రలు ఉపయోగించి వయస్సు, మొదటి వివాహ ధృవీకరణ పత్రాలను తయారు చేసి ఆన్‌లైన్‌లో దరఖాస్తులు సమర్పించినట్లు పోలీసులు గుర్తించారు. నిందితుల వద్ద నుంచి కంప్యూటర్ సీపీయూ, మానిటర్, మూడు మొబైల్ ఫోన్లు, నకిలీ రబ్బరు ముద్రలు, స్టాంప్ ప్యాడ్, డిజిటల్ రికార్డులు తదితర ఆధారాలను స్వాధీనం చేసుకున్నారు.

అక్రమ దరఖాస్తుల సంఖ్య, ప్రభుత్వానికి జరిగిన నష్టం, మరెవరైనా ప్రమేయం ఉందా అనే కోణంలో దర్యాప్తు కొనసాగుతోందని ఎస్పీ తెలిపారు. ఈ కేసును సాంకేతిక ఆధారాలతో చాకచక్యంగా ఛేదించిన డీఎస్పీ మధుసూదన్, కామారెడ్డి టౌన్ ఎస్‌హెచ్‌ఓ నరహరి మరియు పోలీసు సిబ్బందిని జిల్లా ఎస్పీ ఎం. రాజేష్ చంద్ర ఐపీఎస్ అభినందించారు.